Bek Air ushaǵyna bilet alǵan jolaýshylar QAZAQ AIR áýe kompaniiasynyń biletterin tiimdi baǵamen ala alady, dep habarlaidy "Ult aqparat".
«QAZAQ AIR áýe kompaniiasy búgingi Almaty mańyndaǵy ushaq apaty saldarynan reisi toqtatylǵan jolaýshylardy qabyldaýǵa daiyn. 2019 jyldyń 31 jeltoqsanyna deiin Bek Air bileti bar jolaýshylar QAZAQ AIR reisterindegi bos oryndardy qarastyra alady. Mundaǵy biletter qunyn Bek Air biletiniń qunynan asyrmaimyz», - dep habarlady áýe kompaniiasy.
Bilet satyp alý úshin flyqazaq.com brondaý qyzmetin qoldanýǵa bolady.
Aita keteiik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshy men 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna bailanysty kóńil aitty.
QR DSM ushaq apatynan zardap shekkenderge meditsinalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.
