«Qatar Airways» áýe kompaniiasy 15 qazannan bastap Doha men Almaty qalalary arasynda turaqty reister oryndaýǵa ruqsat aldy, dep habarlaidy "Ult aqparat".
«2021 jylǵy 31 tamyzda Qazaqstan Respýblikasynyń aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń kezekti otyrysyna Qazaqstan men Katar arasynda turaqty áýe qatynasyn ashý máselesi shyǵaryldy. QR IIDM Azamattyq aviatsiia komiteti jáne Katar eliniń aviatsiialyq bilik organdary eki el arasyndaǵy áýe qatynasy salasynda quqyqtyq baza qurý jáne keńeitý jónindegi jumysynyń nátijesinde «Qatar Airways« áýe kompaniiasy 2021 jylǵy 15 qazannan bastap Doha jmenne Almaty qalalary arasynda turaqty reister oryndaýdy josparlap otyr», - delingen Azamattyq aviatsiia komiteti taratqan aqparatta.
Vedomstvo málimetinshe, sanitarlyq-epidemiologiialyq talaptardy qatań saqtai otyryp jáne áýe kompaniiasynyń saitynda jariialanǵan kestege sáikes, A-320 ushaqtarymen aptasyna 2 reis dúisenbi jáne juma kúnderi oryndalatyndyǵy josparlanǵan.
«Eki el arasynda turaqty reisterdiń ashylýy Qazaqstan men Katar arasyndaǵy saýda-ekonomikalyq, mádeni jáne týristik qatynastardy odan ári damytýǵa yqpal etedi», - dep atap ótedi komitetten.
