Aqordada Meditsina qyzmetkeri kúnine arnalǵan saltanatty is-shara ótip, oǵan densaýlyq saqtaý salasynyń úzdik mamandary qatysty, dep habarlaidy ult.kz.
Jiynda sóz sóilegen Memleket basshysy Qasym-Jomart Toqaev meditsina qyzmetkerlerin kásibi merekesimen quttyqtap, olardyń qoǵam aldyndaǵy eńbegine joǵary baǵa berdi.
Prezidenttiń aitýynsha, ult saýlyǵy – memlekettiń basty qundylyqtarynyń biri, sondyqtan densaýlyq saqtaý salasyn damytý strategiialyq mańyzǵa ie.
«Halqymyz «Birinshi bailyq – densaýlyq» degen taǵylymdy sózge erekshe mán bergen. Ult saýlyǵy – elimiz úshin bárinen qymbat qundylyq. Sondyqtan meditsina salasyn damytý memlekettiń strategiialyq mindeti sanalady», – dedi Qasym-Jomart Toqaev.
Memleket basshysy densaýlyq saqtaý júiesinde adal eńbek etip júrgen dárigerlerge, medbikelerge jáne sala qyzmetkerlerine alǵys aityp, olardyń azamattardyń densaýlyǵyn nyǵaitýǵa qosyp otyrǵan úlesi orasan ekenin atap ótti.
Sonymen qatar Prezident elde júzege asyrylyp jatqan reformalarǵa toqtalyp, Ádiletti, Kúshti, Ozyq ári Taza Qazaqstan qurý jolyndaǵy jumystardyń jalǵasyp jatqanyn aitty.
Qasym-Jomart Toqaev meditsina qyzmetkerleriniń jalpyulttyq referendýmǵa belsendi qatysqanyn erekshe atap ótip, azamattyq jaýapkershilik tanytqan sala mamandaryna rizashylyǵyn bildirdi.
Prezident óz sózinde jańa Konstitýtsiiada densaýlyq saqtaý máselesine erekshe nazar aýdarylǵanyn jetkizdi.
«Bul adam ómirin saqtaý meditsina mamandarynyń mindeti ǵana emes, tutas qoǵamnyń jaýapkershiligi ekenin kórsetetin mańyzdy qadam boldy», – dedi Memleket basshysy.
Aqordadaǵy saltanatty jiyn barysynda meditsina salasynyń damýy, halyq densaýlyǵyn qorǵaý jáne sala mamandarynyń mártebesin arttyrý máseleleri de sóz boldy.
