Qaraǵandylyq 56 jastaǵy strimer áielder kiimin kiip, áleýmettik jelide video jariialaǵan, dep habarlaidy ult.kz.
Qaraǵandyda 56 jastaǵy strimer Erken Jantyqpaev áleýmettik jelide áielder kiimin kiip, quqyqqa qaishy kontent jariialaǵany úshin ákimshilik jaýapkershilikke tartyldy.
Sot sheshimimen oǵan 10 táýlik ákimshilik qamaý jazasy taǵaiyndalyp, resmi eskertý jasalǵan.
Qazirgi ýaqytta strimer áleýmettik jelidegi akkaýnttaryn óshirgen. Alaida politsiia onyń áreketin baqylaýda ustaitynyn málimdedi. Eger ol berilgen eskertýdi qaita buzsa, zań boiynsha qatańyraq jaýapkershilikke tartylýy múmkin.
Politsiia azamattardy áleýmettik jelilerdi paidalaný kezinde zań talaptary men qoǵamdyq tártipti saqtaýǵa shaqyrdy.
