Qaraǵandyda politseiler 2 million teńgeden astam somaǵa altyn áshekeilerdi urlady degen kúdikpen 37 jastaǵy er adamdy ustady, dep habarlaidy ult.kz.
Polisia.kz málimetinshe, oqiǵa qala turǵynynyń túski úzilisten keiin úiine oralǵan sátinde belgili bolǵan. 38 jastaǵy áiel altyn buiymdarynyń joǵalǵanyn baiqap, birden politsiiaǵa aryzdanǵan. Aldyn ala esep boiynsha keltirilgen shyǵyn kólemi 2 million teńgeden asady.
Jedel-izdestirý sharalary barysynda politseiler qylmysqa qatysy bar degen kúdikpen 37 jastaǵy qala turǵynyn anyqtady. Tergeý málimetinshe, kúdikti urlyq jasalar aldynda jábirlenýshiniń úiinde qonaqta bolǵan.
Novo-Maiqudyq politsiia bóliminiń qyzmetkerleri kúdiktini qolǵa túsirdi. Tergeý barysynda ol kinásin tolyq moiyndaǵan. Urlanǵan altyn buiymdardyń barlyǵy tárkilenip, zattai aiǵaq retinde is materialdaryna tirkeldi.
Atalǵan derek boiynsha sotqa deiingi tergeý júrgizilip jatyr. Kúdikti ýaqytsha ustaý izoliatoryna qamaldy.
Osyǵan bailanysty politsiia azamattardy baǵaly zattardy qaraýsyz qaldyrmaýǵa, úige bógde adamdardy kirgizýde saq bolýǵa jáne kúmándi jaǵdai týyndaǵan jaǵdaida birden quqyq qorǵaý organdaryna habarlasýǵa shaqyrdy.
