Qaraǵandy oblysynda politsiia TikTok áleýmettik jelisinde quqyqqa qaishy kontent taratqan 56 jastaǵy er adamdy jaýapkershilikke tartty, dep habarlaidy ult.kz.
Erkin Jantyqpaev áleýmettik jelide áielderdiń kiimin kiip, qoǵamdyq tártip pen zań talaptaryna qaishy mazmundaǵy tikelei efirler júrgizgen. Politsiia málimetinshe, ol jeli arqyly balalarmen de tanysqan.
Atalǵan fakti boiynsha tiisti sharalar qabyldanyp, sot sheshimimen azamat 10 táýlikke ákimshilik qamaýǵa alyndy. Sonymen qatar oǵan resmi eskertý jasaldy.
Politsiia ókilderi onyń áreketi zań talaptary men qoǵamdyq tártipke qaishy keletinin atap ótti. Qazir er adam áleýmettik jelidegi akkaýnttaryn joiǵan. Politsiia tarapynan oǵan qatysty baqylaý jalǵasyp jatyr.
Eger eskertý talaptaryn qaita buzsa, oǵan zańnamaǵa sáikes qatańyraq jaýapkershilik qoldanylýy múmkin.
Quqyq qorǵaý organdary azamattardy áleýmettik jelilerde zań talaptaryn saqtap, qoǵamdyq tártipke qaishy jáne quqyqqa syiymsyz kontent taratpaýǵa shaqyrdy.
