Qaraǵandy oblysynda bes bas asyl tuqymdy iri qarany urlady degen kúdikpen eki azamat ustaldy, dep habarlaidy ult.kz.
Polisia.kz málimetinshe, oqiǵa Qarqaraly aýdanynda bolǵan. Biyl aqpan aiynda politsiiaǵa 43 jastaǵy sharýa qojalyǵynyń iesi júginip, ótken jyldyń qazan-qarasha ailary aralyǵynda jaiylymnan bes bas aqbas tuqymdy iri qarasynyń joǵalǵanyn habarlaǵan. Keltirilgen shyǵyn kólemi 3 million teńgeni quraǵan.
Atalǵan derek boiynsha qylmystyq is qozǵalyp, kúdiktilerdi anyqtaý úshin arnaiy jedel-tergeý toby qurylǵan.
Júrgizilgen jedel-izdestirý sharalarynyń nátijesinde qylmysqa qatysy bar degen kúdikpen aýdandaǵy sharýa qojalyqtarynyń birinde jumys isteitin 44 jáne 61 jastaǵy eki azamat qolǵa tústi.
Tergeý barysynda kúdiktiler óz kinálaryn moiyndap, jaýap bergen. Olardan iske qatysty aiǵaq zattar tárkilengen.
Qazirgi ýaqytta sotqa deiingi tergeý aiaqtalyp, qylmystyq is máni boiynsha qaraý úshin sotqa joldandy.
Politsiia mal ielerine maldy qaraýsyz jaiylymǵa jibermeýge, baqtashylardyń baqylaýynda ustaýǵa jáne maldy ýaqytyly tańbalaýǵa keńes beredi. Bul mal urlyǵynyń aldyn alýǵa ári qylmys bolǵan jaǵdaida ony jedel ashýǵa múmkindik beredi.
