Almatynyń Bostandyq aýdanynda kóshede qolyna pyshaq ustaǵan er adam ustaldy. Turǵyndar onyń áreketine alańdap, áleýmettik jeli arqyly memlekettik organdardan shara qabyldaýdy suraǵan, dep habarlaidy ult.kz.
Áleýmettik jelide taraǵan jazbada turǵyndardyń biri er adamnyń buǵan deiin de aýdan turǵyndaryna qiyndyq týǵyzǵanyn aitqan. Onyń sózinshe, er adam qaqpalar men kólikterdi zaqymdap, kólik dóńgelekterin tesken. Sondai-aq videoda onyń jol jóndep júrgen jumysshylarǵa qarai barǵany kórsetilgen.
Turǵyndar er adamnyń qysta da tiisti kútimsiz ómir súretinin aityp, jaǵdaiǵa jaýapty organdardyń nazar aýdarýyn suraǵan.
Almaty qalasy politsiia departamentiniń málimetinshe, 30 tamyzda «102» pýltine kóshede pyshaq ustap júrgen er adam týraly habarlama túsken.
Oqiǵa ornyna politsiia ekipajy jiberilip, aqparat rastalǵan. Qyzmetkerler azamattardyń qaýipsizdigin qamtamasyz etip, er adamdy ustaǵan.
Politsiia onyń Psihikalyq densaýlyq ortalyǵynda esepte turǵanyn anyqtady. Keiin er adam jedel meditsinalyq járdem brigadasyna tapsyrylyp, mamandandyrylǵan meditsinalyq mekemege jatqyzyldy.
Politsiianyń málimetinshe, oqiǵa kezinde azamattardyń qaýipsizdigi qamtamasyz etilgen.
