Telegram messendjerinde paidalanýshylar PTR taldaýyna biomaterial jinaýǵa arnalǵan jiyntyqtarǵa kantserogen bolyp tabylatyn jáne bedeýlik týdyratyn etilen oksidi sińdirilgen degen aqparatty talqylaýda. Bul jalǵan, dep habarlaidy "Ult aqparat" stopfake.kz saityna silteme jasap.
Etilen oksidi – bul taza kúiinde qaýip tóndiretin gaz. Degenmen, adamzat ony ózine ziian keltirmeitindei qoldanýdy úirendi. 1950 jyldardan bastap etilen oksidi meditsinalyq qural-jabdyqtar men aspaptardy, sonyń ishinde joǵary temperatýrada nemese agressivti ortada zararsyzdandyrýǵa bolmaityn plastik jáne basqa materialdardan jasalǵandaryn zararsyzdandyrý úshin qoldanylyp keledi.
Bul rette qural-jabdyqtar men qondyrǵylarda sterildeý nátijesinde gaz bólshekteri qalmaidy. Protsedýradan keiin zattar azotpen jáne taza aýamen óńdeledi, olar zattardyń betindegi etilen oksidiniń qaldyqtaryn tazartady. Sodan keiin zararsyzdandyrylǵan zattar gazsyzdandyrý kezeńinen ótedi, iaǵni zararsyzdandyratyn zattyń qaldyqtaryn joiady. Bul protsess arnaiy jobalanǵan bólmede jasalady.
QR DSM sanitarlyq-epidemiologiialyq baqylaý komiteti etilen oksidimen zararsyzdandyrýdyń qaýipsiz ekendigine qatysty pikirin buǵan deiin bildirgen bolatyn.
«Etilen oksidimen sterildeý arnaiy jabdyqty paidalana otyryp júrgiziledi. Sterildenetin zattardy germetikalyq jabylatyn konteinerlerdiń nemese bokstardyń ishine salynyp, qospa býymen óńdeledi. Gazben óńdelgennen keiin aeratsiia (gazsyzdandyrý) protsesi bastalady, onyń máni gaz qospasynyń qaldyqtaryn «joiý» bolyp tabylady. Bul rette adam denesine 30 minýtqa deiin janasatyn meditsinalyq buiymdar (shprits, plastik nemese aǵash qalaqsha, tampon) úshin aeratsiia ýaqyty 12 saǵatty. Eger meditsinalyq ónim adamǵa 30 minýttan artyq qoldanylatyn bolsa, 24 saǵatty quraidy. Implantatsiialanatyn buiymdar (kardiostimýliatorlar) keminde 72 saǵat aeratsiialaýǵa jatady», – dep túsindirdi vedomstvodaǵylar.
Sondai-aq, Qazaqstanda ISO 10993-7-2016 sáikes ónimdegi etilen oksidiniń qaldyq quramyn anyqtaý boiynsha Qazaqstan Respýblikasynyń toksikologiialyq zerthanalarynda ýákiletti saraptamalyq uiymdardyń biologiialyq material alý úshin zondtar partiialarynda ishinara zertteý júrgizip jatqany habarlandy.
Mundai standarttar ártúrli elderde ázirlengen. Etilen oksidin qoldaný boiynsha usynystar AQSh, Avstraliia jáne Eýropa elderinde jasalǵan.
Sonymen, etilen oksidimen zararsyzdandyrylǵan quraldarda densaýlyqqa ziian keltiretin gaz bólshekteri qalmaidy. Osylaisha tazartylǵan zattardy paidalaný qaýipsiz jáne bedeýlik pen basqa aýrýlardy týdyrmaidy. Etilen oksidimen zararsyzdandyrý eń senimdi bolyp sanalady jáne kóptegen damyǵan elderde qoldanylady.
