Nur-Sultan qalasy prokýratýrasynyń vedomstvoaralyq jedel tergeý toby Nur-Sultan qalasy ákiminiń burynǵy orynbasary Q.T. Sultanbekovke, «Astana LRT» JShS basqarma tóraǵasy bolǵan T.N. Ardanǵa jáne basqa da tulǵalarǵa qatysty «Astana qalasynyń jańa kólik júiesi» LRT, BRT/ITS jobasyn iske asyrýǵa bólingen biýdjet qarajatyn jymqyrý faktisi boiynsha qylmystyq isti tergep jatyr, dep habarlaidy QazAqparat.
Quzyrly organnyń málimetinshe, tergeý barysynda jinalǵan dáleldemeler kúdikti Q.T. Sultanbekovtiń áreketterin saralaýǵa múmkindik týyndaǵan. Iaǵni oǵan QR Qylmystyq kodeksiniń 1997 jylǵy redaktsiiasyndaǵy (budan ári - QK) 176-baby (uiymdasqan top quramyndaǵy qyzmet jaǵdaiyn paidalana otyryp, asa iri mólsherde biýdjet qarajatyn birneshe ret urlaý), 235-baby (birneshe qylmys jasaý maqsatynda uiymdasqan top qurý jáne ony basqarý) jáne qoldanystaǵy QK-niń 189-baby (uiymdasqan top quramyndaǵy qyzmet jaǵdaiyn paidalana otyryp, asa iri mólsherde biýdjet qarajatyn birneshe ret urlaý) boiynsha aiyp taǵylmaq. Al T.N. Ardannyń zańsyz áreketteri 1997 jylǵy Qylmystyq kodekstiń 176-baby (uiymdasqan top quramynda qyzmet babyn paidalana otyryp, asa iri mólsherde biýdjet qarajatyn birneshe ret urlaý), 262-baby (qyzmet babyn paidalana otyryp, uiymdasqan qylmystyq topqa qatysý) jáne 189-baby (uiymdasqan top quramynda qyzmet babyn paidalana otyryp, asa iri mólsherde biýdjet qarajatyn birneshe ret urlaý) boiynsha saralanǵan.
QR Qylmystyq is júrgizý kodeksiniń (budan ári-QIJK) 206-babynyń 1-bóligine sáikes, kúdiktiniń is-áreketin saralaý týraly qaýly shyǵarylǵan kezden bastap jiyrma tórt saǵattan keshiktirilmei jariialanady. Kúdikti nemese onyń qorǵaýshysy kelmegen jaǵdaida qaýly jiyrma tórt saǵat ótkennen keiin de jariialanýy múmkin.
Kúdikti delinip otyrǵan Q.T. Sultanbekov pen T.N. Ardannyń Qazaqstan Respýblikasy aýmaǵynan nan tys jerde bolýyna jáne kelýden jaltarýyna bailanysty qala prokýratýrasy QIJK-niń 206-babynyń 8-bóligin basshylyqqa ala otyryp, prokýrordyń kelisimimen olarǵa taǵylatyn aiypty buqaralyq aqparat quraldarynda jariialap otyr. Qaýlylardy jariialaýǵa jáne qajetti tergeý is-áreketterin júrgizýge qatysý úshin kúdikti Q.T. Sultanbekov pen T.N. Ardan Nur-Sultan qalasy prokýratýrasynyń Nur-Sultan qalasy Qabanbai batyr dańǵylyndaǵy ákimshilik ǵimaratyna kelýi qajet. Kúdiktiler tergeý áreketterine qatysý úshin qorǵaýshyny óz betinshe shaqyrýǵa ne qylmystyq protsesti júrgizetin organnan qorǵaýshy suraýǵa quqyly (QR QIJK-niń 68-baby). Eger qorǵaýshyny kúdiktiler nemese olardyń zańdy ókilderi, sondai-aq olardyń tapsyrmalary boiynsha basqa da adamdar shaqyrmasa, qorǵaýshynyń qatysýyn qylmystyq protsesti júrgizetin organ qamtamasyz etedi (QR QIJK-niń 67-baby).
Kúdiktiniń tergeýge belgilengen merzimde kelýine kedergi keltiretin sebepter bolsa, sondai-aq, kúdiktiniń nemese olardyń múddelerin belgilengen tártippen qorǵaityn adamdardyń prokýrordan nemese sotqa deiingi is júrgizýdi júzege asyratyn adamnan qorǵaýshynyń qatysýyn qamtamasyz etýi týraly ótinishhatty málimdeý týraly nieti bolsa, qylmystyq qýdalaý organyn aldyn ala habardar etýi qajet.
Buǵan deiin kúdiktiler Q.T.Sultanbekov pen T.N. Ardandy Nur-Sultan qalasynyń prokýratýrasy jaýap alý úshin biylǵy 12 qańtarǵaa shaqyrtqan. Alaida olar belgilengen ýaqytta kelmegen jáne kelýge kedergi keltiretin sebepter týraly habarlamaǵan.
