Foto: Akorda.kz
Prezident Qasym-Jomart Toqaev Premer-ministr, memlekettik organdar basshylary jáne óńir ákimderimen ótkizgen keńeste din salasyndaǵy jumystardy jandandyrýdy tapsyrdy, - dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy óz sózinde rýhani qundylyqtarymyzdy saqtaý mańyzdy ekenine nazar aýdardy.
"Halqymyzdyń dúnietanymyna sai dástúrli islamdy dáripteý asa mańyzdy. Onyń ǵylymi-teoriialyq negizin damytý qajet. Óskeleń urpaqtyń rýhani tárbiesin nazardan tys qaldyrýǵa bolmaidy. Shyn máninde, bul – óte mańyzdy másele. Ony betimen jibersek, ulttyq salt-sanamyzdan aiyrylyp qalýymyz múmkin. Ákimderge quzyrly organdarmen birlesip, din salasyndaǵy jumysty jandandyrýdy tapsyramyn", – dedi Prezident.
