D.Serikbaev atyndaǵy Shyǵys Qazaqstan tehnikalyq ýniversitetiniń rektory Jasulan Shaimardanov Prezident Qasym-Jomart Toqaevtyń «Halyq birligi jáne júieli reformalar – el órkendeýiniń berik negizi» atty halyqqa Joldaýyna qatysty pikir bildirdi, dep habarlaidy QazAqparat.
«Memleket basshysy Qazaqstan halqyna Joldaýynda ómirdiń barlyq salalaryna toqtalyp, shuǵyl sheshilýi tiis maqsat-mindetterdi aiqyndady. Ózim bilim salasynda jumys istegendikten osy salany jaqsartý men ǵylymǵa qoldaý kórsetý týraly berilgen mindettemeler qýantty. Prezident jetekshi ǵalymdarǵa turaqty jáne óz eńbegine laiyqty jalaqy tóleý máselesin kótere otyryp, ǵylymi zertteý institýttaryn tikelei qarjylandyrý tártibin ázirleýdi tapsyrdy. Aldaǵy ýaqytta ministrlik ǵylymi mekemelerdi irikteýdiń ári qarjylandyrýdyń aiqyn ári ashyq erejesin ázirleitin bolady», - dedi ol.
Onyń aitýynsha, búgingi tańda búkil álem tsifrlandyrý júiesin keńinen qolǵa alyp, damytý ústinde. Memleket basshysy salany jetildiretin mamandardy daiarlaý qajet ekendigin basa aitty.
«Osyǵan orai 100 myń IT maman daiyndaý qolǵa alynbaq. Meniń oiymsha, bul der kezinde aitylǵan tapsyrma. Bul úshin JOO-da oqý baǵdarlamalaryn jańartyp, zamanǵa sai ázirleý qajet bolyp otyr. Geologiia, ekologiia, jasyl ekonomika, aýyl sharýashylyǵy salalaryn damytýǵa mańyzdy mindettemeler júkteldi. Bizdiń ýniversitet bul salaǵa qajetti mamandardy daiarlaityn bilim ordalarynyń biri bolǵandyqtan, aldaǵy ýaqytta jańasha serpilispen oqytý protsessin uiymdastyratyn bolamyz», - dedi Jasulan Shaimardanov.
