Tótenshe jaǵdai kezinde tabysynan airylǵan azamattardyń áleýmettik tólem alýǵa bailanysty ótinishteri táýlik boiy qaralýda. Bul týraly Eńbek resýrstaryn damytý ortalyǵynan málim etti, dep habarlaidy "Ult aqparat".
«2020 jylǵy 4 mamyrdaǵy jaǵdai boiynsha https://42500.enbek.kz saityna 451,6 myń ótinish kelip tústi. Onyń ishinde tek 4 mamyrda 11 myńnan astam ótinish tirkeldi.
Eńbek jáne halyqty áleýmettik qorǵaý ministrliginiń «Eńbek resýrstaryn damytý ortalyǵy» AQ-nyń mamandary kelip túsken barlyq ótinishterdi qarap, Tótenshe jaǵdai kezeńinde áleýmettik tólem alýǵa ótinish berý tártibi týraly, áleýmettik tólem taǵaiyndaýdan bas tartý sebepteri jaiynda, biryńǵai jiyntyq tólemdi qaitarý tártibi týraly jáne basqa da suraqtarǵa túsinikteme beredi», - delingen ortalyq habarlamasynda.
Atap aitqanda, ótinishterdiń basym kópshiligi TJ kezeńinde tabysty joǵaltýyna bailanysty áleýmettik tólemdi esepteý tártibine, sondai-aq ony taǵaiyndaýdan bas tartý sebepterine qatysty. Árbir ótinish jeke qaralyp, azamattarǵa ótinimde jibergen qatelerdi joiýǵa, sol arqyly áleýmettik tólemdi alýyna kómek kórsetiledi.
Aita ketsek, eń jii kezdesetin qateler bul - azamattardyń JSN, sondai-aq banktik shot nómirin durys kórsetpeýi.
