Qazaqstan Prezidenti Qasym-Jomart Toqaev Úkimetke janarmai naryqtyq baǵasyn 15 paiyzǵa arzandatýdy tapsyrdy. Bul týraly Memleket basshysy halyqqa respýblikalyq telearnalar arqyly jasaǵan málimdemesinde aitty, dep habarlaidy "Ult aqparat".
«Kásipkerlerge qoldaý kórsetiledi. Atap aitqanda biýdjetten 70 mlrd teńge bólinedi. Kóktemgi egis naýqany úshin qarapaiym zattar ekonomikasy baǵdarlamasy arqyly qosymsha 100 mlrd teńge bólýdi tapsyramyn. Eń aldymen shaǵyn jáne orta sharýa qojalyqtaryna qoldaý kórsetken jón. Sonymen qatar Úkimetke janarmai naryqtyq baǵasyn 15 paiyzǵa arzandatyp, 165 teńgege deiin tómendetý mindeti júkteldi. Osyny qamtamasyz etý úshin 390 myń tonna janarmai jeńildikpen satylatyn bolady», - dedi Prezident.
