Qasym-Jomart Toqaev Soltústik Qazaqstan oblysyna jasaǵan jumys saparyn Aqqaiyń aýdany, Rýblevka aýylyndaǵy «Ivan Zenchenko» JShS-nen bastady, dep habarlaidy "Ult aqparat" Aqordaǵa silteme jasap.
Qazaqstan Prezidenti sútti taǵamdar óndiretin fermanyń tolyq ainalymdaǵy jumysymen tanysyp, astyq jinalyp jatqan egistik alqabyn aralap shyqty jáne mehanizatorlarmen áńgimelesti.
Nysandy aralaý barysynda Soltústik Qazaqstan oblysynyń ákimi Qumar Aqsaqalov Memleket basshysyna óńirdiń agroónerkásip kesheniniń damýy týraly baiandady.
Kásiporyn direktory Gennadii Zenchenko Memleket basshysyna óndiriletin ónimder men ótkizý naryǵy, sonyń ishinde taýardyń Reseige eksportqa shyǵarylýy jóninde aitty. Ol sondai-aq kompaniianyń aýyldyq okrýgtegi áleýmettik salany damytýǵa zor kóńil bólip otyrǵanyn málimdedi.
Qasym-Jomart Toqaev kásiporynnyń jumysyn men ekonomikalyq jáne áleýmettik mindetterdi sheshýge qosqan úlesin joǵary baǵalady.
Sondai-aq, Memleket basshysy «Ýrojai» JShS-niń agroónerkásip kesheninde boldy.
Qasym-Jomart Toqaevqa kompaniianyń qyzmeti, diirmen kesheniniń, elevatordyń, kombikorm zaýytynyń jáne nan-toqash ónimderin shyǵarý jónindegi óndiris nysandarynyń jumysy týraly málimet berildi.
Qazaqstan Prezidentine agrokásipornynda qýaty jóninen jylyna 12000 tonna túrli jarmalar men jyldam daiyndalatyn suly qaýyzdaryn óndirýdiń jańa tehnologiialyq úderisi, sondai-aq daiyn ónimniń úlgileri kórsetildi.
Memleket basshysy agrarilerdiń nazaryn memleket bólgen aýyl sharýashylyǵy sýbsidiialaryn tiimdi paidalaný qajettigine aýdardy.
