Qazaqstan Prezidenti Qasym-Jomart Toqaevtyń bilim salasyna qatysty tapsyrmalary oryndaldy. Bul týraly QR Prezidenti Teleradiokesheniniń telegram kanalynda jariialandy, dep habarlaidy "Ult aqparat".
Qashyqtan oqý júiesine kóshken kezdegi eń mańyzdy quraldyń biri - elektrondy oqýlyqtar bolmaq. Osy oraida Memleket basshysy Qasym-Jomart Toqaevtyń Ulttyq qoǵamdyq senim keńesiniń úshinshi otyrysynda Bilim jáne ǵylym ministrligine oqýlyqtardy vedomstvonyń aqysyz quqyqtaryn bekitip bere otyryp, olardy kezeń-kezeńimen tsifrlyq formatqa kóshirý josparyn ázirleýdi tapsyrǵan bolatyn.
Bul turǵyda otandyq baspalarmen oqýlyqtardyń elektrondy nusqalaryn aqysyz paidalaný máselesi kelisildi. 1-11 synyptarǵa arnalǵan barlyq elektrondy oqýlyqtar Bilim jáne ǵylym ministrliginiń saitynda jariialandy.
Budan bólek, tehnikalyq jáne kásiptik bilim berý júiesinde koldedjderdiń 100 paiyzy otyzdan astam platformaǵa qol jetkize alady.
21 myńnan astam tsifrlyq resýrstardy qamtityn katalog quryldy:
- 12 368 beinesabaq;
- 3 848 elektrondy oqýlyq;
- 5 771 qosymsha material,
Atap aitqanda, 30 368 ustaz IT -quzireti boiynsha biliktiligin arttyrdy.
Qashyqtan oqý platformalary men baǵdarlamalaryn paidalana otyryp 20-dan astam nusqaýlyq ázirlendi.
