Elordalyq kompaniialar konsaltingtik shyǵyndaryn 40 paiyzǵa azaitty. Bul týraly Energyprom.kz portaly habarlady.
QR Prezident Qasym-Jomart Toqaevtyń biýdjet esebinen tólenetin konsaltingtik jáne imidjdik shyǵyndardy qysqartý týraly tapsyrmasy iske asa bastady. Osy oraida Energyprom.kz portaly eldegi bas kompaniialardyń shyǵynyna taldaý jasap kórgen.
Eldegi kompaniialar keńes berý jáne basqarý qyzmetine 6 aidyń ishinde 123,6 mlrd teńge jumsaǵan. Bul ótken jylǵy kezeńmen salystyrǵanda 26,2 paiyzǵa tómen. Qyzmet kórsetý shyǵyndarynyń 90,8 paiyzy úsh óńirge tiesili. Atyraý oblysy bul maqsatqa 8,2 mlrd teńge, Almaty qalasy 35,1 mlrd teńge, Nur-Sultan qalasy 68,9 mlrd teńge jumsaǵan. Elordanyń bul baǵyttaǵy shyǵynyn jalpy shyǵynnyń 55,7 paiyzyna teń. Degenmen, byltyr astanalyq kompaniialar konsaltingke budan 41 paiyz kóp qarjy shyǵyndaǵan.
«Sektordaǵy qyzmetterdiń jiyntyq kóleminen indýstriialyq-innovatsiialyq damýdyń memlekettik saiasatyn iske asyrýǵa bailanysty bas kompaniialardyń qyzmeti nebári 1,4 paiyzdy quraidy. Alkontsessiialyq jobalar men memlekettik-jekeshelik áriptestik jobalaryna keńes alý shyǵyny 0,8 paiyzǵa teń.
Shyǵynnyń kóbi kommertsiialyq qyzmet pen basqarý máseleleri boiynsha keńes alýǵa ketken. Aqshaǵa shaqqanda bul 72,2 mlrd teńge», - dep jazady Energyprom.kz.
