Prezident Qasym-Jomart Toqaev transshekaralyq ózenderdiń taiyzdanýyna bailanysty jaǵdai týraly aitty, - dep habarlaidy Tengrinews.kz tilshisi.
"Transshekaralyq ózender, ásirese Syrdariia, Jaiyq jáne Ile ózenderiniń taiyzdanýy men ekologiialyq jaǵdaiynyń nasharlaǵany baiqalady. Bul kóbinese kórshiles elderden keletin sý kóleminiń azaiýyna bailanysty, sebebi ol jerlerde sý tutyný arttty", - dedi Toqaev monoqalalardy damytý jónindegi keńeste.
Memleket basshysy aitqandai, sýdy tutynýǵa degen kózqarastardy, onyń ishinde jańa tehnologiialar men tsifrlandyrý arqyly túbegeili ózgertý qajet, bul birinshi kezekte ónerkásip pen aýyl sharýashylyǵyna qatysty.
"Sý obektileriniń ekojúiesin saqtaý jáne resýrstardy uqypty paidalaný úshin maǵan 120 kanaldy qaita jańǵyrtýdy bastaý jáne 9 jańa sý qoimasyn salý tapsyryldy. Bul mańyzdy bastama belgili bir dárejede basqa elderden keletin sýǵa táýeldilikti azaitady", - dep qosty Prezident.
