Memleket basshysy Qasym-Jomart Toqaev damý áleýeti tómen monoqala turǵyndarynyń óńiraralyq qonys aýdarýyn yntalandyrý is-sharasyn ázirleý qajettigin aitty, dep habarlaidy QazAqparat.
«Damý áleýeti tómen shalǵaidaǵy monoqalalar turǵyndarynyń oblysishilik jáne óńiraralyq qonys aýdarýyna qatysty yntalandyrýshy is-sharalar qajet. Úkimetke Óńirlerdi damytý jónindegi ulttyq joba aiasynda damý áleýeti tómen monoqalalardy kóship ketý óńirleri qataryna qosýdy tapsyramyn», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jinalysta.
Aqordanyń Twitter-degi málimetine sáikes, Prezident bul bastama azamattardyń bolashaǵy bar qalalarǵa óz erkimen qonys aýdarýyna sebep bolatynyn atap ótken.
«Bul azamattardyń mamandardy qajet etip otyrǵan bolashaǵy bar, ósip kele jatqan qalalarǵa óz erkimen qonys aýdarýyn yntalandyrady. Ónerkásiptik monoqalalar turǵyndarynyń basym bóligi qajetti jumysshy jáne injenerlik mamandyqtarda biliktiligi men tájiribesi bar ekendigin jaqsy bilemiz», - dedi Memleket basshysy.
