Memleket basshysy Qasym-Jomart Toqaev belgili qalamger, Qazaqstannyń eńbek sińirgen qairatkeri Nesipbek Dáýtaiulynyń dúnieden ótýine bailanysty onyń otbasy men jaqyn týystaryna kóńil aitý jedelhatyn joldady. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
«Nesipbek Dáýtaiuly baspasóz salasynda jemisti jumys jasady. Qazaqstan Jazýshylar odaǵynyń Jambyl oblysy boiynsha filialyna jetekshilik etti. Elimizdiń rýhani-mádeni bailyǵyn arttyrýǵa mol úles qosty. Qarymdy qalamger retinde shyǵarmashylyq joldaǵy tabystary da óte mol. Tartymdy týyndylary oqyrmandar tarapynan joǵary baǵasyn aldy, ádebi syilyqtarǵa ie boldy. Marqumnyń imany salamat, jany jánnatta bolsyn», –delingen jedelhatta.
Eske sala keteiik, keshe jazýshy Nesipbek Dáýtaiuly ómirden ótti.
