Memleket basshysy Qasym-Jomart Toqaev damý áleýeti bar monoqalalarǵa qonys aýdarýshylarǵa jeńildetilgen ipotekalyq baǵdarlama ázirleýdi tapsyrdy, dep habarlaidy QazAqparat.
«Memlekettik turǵyn úi saiasaty aiasynda damý áleýeti tómen monoqalalardan qonys aýdarýshylarǵa arnalǵan jeke bólim bolýy tiis», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jinalysta.
Aqordanyń Twitter-degi málimetine sáikes, Prezident damý áleýeti bar monoqalalarǵa qonys aýdarýshylarǵa jeńildetilgen ipotekalyq baǵdarlama bolýy kerektigin aitty.
«Otbasy» banki instrýmentariiinde mundai azamattarǵa bastapqy jarnasy 10 paiyz jáne syiaqy mólsherlemesi 2-den 5 paiyzǵa deiin bolatyn jeńildetilgen ipoteka baǵdaramasyn qarastyrýy qajet. Úkimetke ákimdiktermen birge bul bastamany jan-jaqty pysyqtaý kerek», - dedi Memleket basshysy.
