Foto: Aqorda
Barlyq deńgeidegi máslihat depýtattarynyń III respýblikalyq forýmynda sóilegen sózinde Memleket basshysy Qasym-Jomart Toqaev jergilikti basqarý júiesin jetildirý, biýdjetti tiimdi josparlaý, depýtattardyń jaýapkershiligin arttyrý jáne tsifrlandyrý máselelerine toqtaldy, dep habarlaidy Ult.kz.
Prezidenttiń aitýynsha, aimaqtardyń turaqty damýy men turǵyndardyń turmys sapasynyń artýy jergilikti bilik pen máslihattardyń tiimdi jumysyna tikelei bailanysty. Sondyqtan ókildi organdardyń rólin kúsheitip, olardyń ókilettigin naqtylai túsý qajet.
Biýdjet shyǵynyna qatań baqylaý qajet
Memleket basshysy ákimdikter janyndaǵy biýdjettik komissiia quramyna tájiribeli ári bedeldi máslihat depýtattaryn qosý qajet ekenin aitty. Bul sheshim biýdjet qarajatynyń tiimdi jumsalýyn qamtamasyz etýge múmkindik beredi.
Prezident jergilikti bilik biýdjet qarjysyn tiimsiz jobalarǵa jumsamaýy kerektigin atap ótti.
«Qyrýar qarjyny ońdy-soldy shashyp, paidasy joq bastamalarǵa jumsaýdy doǵarý qajet. Ákimder respýblikalyq biýdjetten beriletin túrli dotatsiiaǵa senip otyra bermeýi kerek. Masyldyq uǵymynan birjola arylý qajet», – dedi Qasym-Jomart Toqaev.
Onyń aitýynsha, óńirlik biýdjet qabyldanǵan kezde jańa jumys oryndarynyń sany, tartylatyn investitsiia kólemi, biznesti damytýǵa jasalatyn jaǵdailar men biýdjetke túsetin salyq mólsheri naqty kórsetilýi tiis.
Máslihattardyń ókilettigin keńeitý usynyldy
Prezident máslihattardyń quzyretin odan ári keńeitý qajettigin atap ótti. Onyń aitýynsha, kóptegen ókilettikterdiń áli de naqty aiqyndalmaýy memlekettik basqarý protsesine kedergi keltirip otyr.
Sonymen qatar depýtattardyń jaýapkershiligin kúsheitý máselesi de kóterildi. Memleket basshysy óz mindetin oryndamaǵan nemese etikalyq normalardy buzǵan depýtattarǵa qatysty naqty sharalar qabyldaý qajet ekenin aitty.
Prezident memlekettik basqarý júiesinde rotatsiialyq qaǵidatty engizý jalǵasatynyn jetkizdi. Qazir sailanatyn ákimderdiń ókilettigi eki merzimmen shektelgen. Endi osy tájiribeni máslihat tóraǵalaryna da qoldaný usynyldy.
«Máslihat tóraǵalarynyń ókilettigi de eki merzimnen aspaýy kerek. Osyndai tásil arqyly kásibi depýtattyq korpýs qalyptastyryp, onyń tiimdiligin arttyrýǵa bolady», – dedi Prezident.
Foto: Aqorda
Azamattardyń shaǵymy kóbeigen
Forým barysynda Memleket basshysy halyqpen ashyq dialog ornatýdyń mańyzyn erekshe atap ótti. Onyń aitýynsha, sońǵy ýaqytta ortalyq organdarǵa óńirlerden keletin shaǵymdar sany kóbeigen.
Máselen, ótken jyly Prezident Ákimshiligine shamamen 83 myń ótinish kelip túsken. Bul aldyńǵy jylmen salystyrǵanda 30 paiyzǵa kóp.
Prezidenttiń aitýynsha, bul máselelerdiń kópshiligin jergilikti deńgeide sheshýge bolar edi.
«Ashyǵyn aitqanda, jurt óńirdegi bilikten eń qarapaiym máselelerge qatysty túsinikteme ala almaidy. Sodan keiin azamattar elordaǵa hat joldap, tikelei Prezidentke júginedi», – dedi Qasym-Jomart Toqaev.
Osyǵan bailanysty Prezident máslihat depýtattary halyq pen bilik arasyndaǵy negizgi kópir bolýy tiis ekenin atap ótti.
Tsifrlyq memleket qurý – basty maqsat
Forýmda tsifrlandyrý máselesine de erekshe nazar aýdaryldy. Memleket basshysy tolyqqandy tsifrlyq memleket qurý Qazaqstan úshin strategiialyq mańyzdy mindet ekenin aitty.
Prezidenttiń aitýynsha, ozyq tehnologiialar men jasandy intellektti memlekettik basqarý júiesine engizý – eldiń bolashaǵy úshin asa mańyzdy baǵyt.
Sondyqtan máslihat depýtattarynyń kásibi biliktiligin arttyrý jáne tsifrlyq quzyretterin damytý qajet. Bul baǵytta Memlekettik basqarý akademiiasy arnaiy oqý baǵdarlamalaryn júzege asyryp jatyr.
Búginge deiin 1200-ge jýyq depýtat kásibi biliktilikti arttyrý kýrstarynan ótken. Sonymen qatar AI Governance 500 baǵdarlamasy aiasynda oblystyq máslihat apparattarynyń basshylaryn oqytý josparlanyp otyr.
Máslihattar – ulttyq saiasattaǵy kadr rezervi
Prezident máslihattardyń taǵy bir mańyzdy missiiasyna toqtaldy. Onyń aitýynsha, jergilikti ókildi organdar joǵary zań shyǵarýshy organ úshin kadr daiarlaýǵa da belsendi qatysýy tiis.
Memleket basshysy jańa Konstitýtsiialyq ózgeristerge sáikes zań shyǵarý júiesinde proportsionaldy ókildik qaǵidaty qoldanylatynyn aitty. Bul saiasi partiialardyń rólin kúsheitip, zań shyǵarý sapasyn arttyrýǵa yqpal etedi.
Sonymen qatar óńirlik deńgeide majoritarlyq, iaǵni bir mandatty sailaý júiesi saqtalady.
«Bul óte mańyzdy. Óitkeni máslihat depýtattary sailaýshylarmen tikelei bailanysta jumys isteidi. Sonymen birge bul júie partiiaǵa kirmeitin, biraq halyq senetin isker azamattarǵa saiasatqa kelýge múmkindik beredi», – dedi Qasym-Jomart Toqaev.
Prezidenttiń aitýynsha, mundai tásil máslihattardyń yqpalyn arttyryp, jergilikti basqarý júiesiniń tiimdiligin kúsheitedi.
