Koronavirýspen kúreske juldyrylǵandarǵa 1 laýazymdyq jalaqy kóleminde syiaqy berý qajet. Bul týraly Aqordada Tótenshe jaǵdai jónindegi memlekettik komissiianyń otyrysyn ótkizgen QR Prezidenti Qasym-Jomart Toqaev aitty, dep habarlaidy "Ult aqparat".
«Densaýlyq saqtaý ministrligi janynda COVID-19-dy monitoringileý jáne esepke alý boiynsha jedel ortalyq jumys isteidi, oǵan 21 naýryzda baryp, jaǵdaimen tanystym. Onyń irkilissiz jáne tiimdi jumysyn qamtamasyz etý qajet. Búginde bizdiń azamattarymyz - dárigerler, politseiler, ózge de mamandar aldyńǵy shepte jumys jasaýda. Olar demalystyń ne ekenin bilmeidi, otbasylaryn sirek kórip, ózderin úlken táýekelge dýshar etip júr. Degemen, osyǵan qaramastan ózderiniń azamattyq jáne qyzmettik boryshtaryn tolyqtai oryndaýda», - dedi Memleket basshysy.
Osy rette Qazaqstan Prezidenti koronavirýspen kúreste aldyńǵy shepte júrgen azamattarymyzǵa shynaiy rizashylyǵyn bildirdi.
«Úkimet pen ákimdikterge koronavirýspen kúres jónindegi sharalarǵa jumyldyrylǵan dárigerlerge, politseilerge jáne óze de mamandarǵa 1 laýazymdyq jalaqy kóleminde syiaqy tóleýge qosymsha qarajat taýyp, qamtamasyz etýdi tapsyramyn», - dedi Qasym-Jomart Toqaev.
