Foto: Akorda.kz
Memleket basshysy Almaty oblysynyń ákimi Marat Sultanǵazievti qabyldady, dep habarlaidy "Ult aqparat" Aqordaǵa silteme jasap.
Prezidentke óńir ekonomikasynyń ósimin qamtamasyz etý, halyqtyń turmys sapasy men tabysyn arttyrý, sondai-aq jańa oblys ortalyǵyn damytý jónindegi tapsyrmalarynyń oryndalý barysy týraly esep berildi.
Marat Sultanǵazievtiń aitýynsha, byltyr oblysta áleýmettik-ekonomikalyq damýdyń barlyq negizgi salasy boiynsha turaqty ósim kórsetkishi saqtalǵan. 37,2 myń jumys orny ashylǵan. Onyń 26,3 myńy – turaqty jumys.
Memleket basshysyna óńirde sý tasqynyna qarsy is-sharalardy iske asyrý, turǵyndar men sharýashylyq nysandarynyń qaýipsizdigin qamtamasyz etý jáne tabiǵi apattar saldarynan bolatyn zalaldy múmkindiginshe azaitý jóninde málimet berildi.
Prezidentke oblys ortalyǵyn damytýdyń 2030 jylǵa deiingi keshendi damý josparynyń ázirlený barysy týraly baiandaldy.
Ákim kóktemgi egin egý jumystaryna, saiajai alaptary jónindegi túitkilderdiń sheshilýine, injenerlik infraqurylymnyń rekonstrýktsiiasyna jáne aýyl sharýashylyǵy maqsatyndaǵy igerilmei jatqan jerlerdi memleketke qaitarýǵa qatysty máseleler týraly aitty.
Kezdesý sońynda Qasym-Jomart Toqaev oblys ákimine ortalyq memlekettik organdarmen birlesip, Qonaev qalasyn damytý josparyn pysyqtaý jónindegi júieli jumystardy jalǵastyrýdy, sondai-aq oblys aýmaǵyn keshendi damytý mindetterin júzege asyrýdy tapsyrdy.
