QR Prezidentiniń kómekshisi — QR Prezidenti Ákimshiliginiń Ótinishterdi qaraýdy baqylaý bóliminiń meńgerýshisi Aida Balaeva Soltústik Qazaqstan oblysynyń turǵyndaryn jeke máseleleri boiynsha qabyldaidy, dep habarlaidy "Ult aqparat".
SQO ákimdiginiń aqparatyna sáikes, A.Balaeva jurtshylyqpen 13 qyrkúiek kúni (saǵat 10.00-den bastap) «Nur Otan» filialynyń qoǵamdyq qabyldaýynda kezdesedi.
«Tolyq aqparatty 8 (7152) 34-02-04 telefon nómiri arqyly alýǵa bolady», - dedi ákimdikten.
Prezident kómekshisi buǵan deiin Qaraǵandydaǵy «Nur Otan» partiiasy filialynda óńir halqyn qabyldaǵan bolatyn.
Eske salsaq, A.Balaeva Memleket basshysynyń Jarlyǵymen QR Prezidentiniń kómekshisi – QR Prezidenti Ákimshiliginiń Ótinishterdi qaraýdy baqylaý bóliminiń meńgerýshisi bolyp biylǵy 22 shildede taǵaiyndaldy.
Jańa qyzmetine kirisken alǵashqy úsh aptada ol 100-den astam adamdy jeke qabyldaǵanyn jazǵan edik. A.Balaevanyń aitýynsha, halyqty tolǵandyratyn negizgi máseleler – turǵyn úi, bank nesieleri, sot sheshimderi men quqyqqorǵaý organdarynyń áreketteri.
