Memleket basshysy Kókshetaý qalasyndaǵy onkologiialyq emhanaǵa bardy, dep habarlaidy Aqorda.
Qasym-Jomart Toqaev Aqmola oblysyndaǵy qazirgi Covid-19 indetine qatysty ahýalmen jáne óńirdegi densaýlyq saqtaý qyzmetiniń jaǵdaiymen tanysty.
Prezidentke aimaqta koronavirýs indetine shaldyqqan naýqastardyń 22 juqpaly aýrýlar statsionarynda emdelip jatqany, tósek-oryn qory 2113 orynǵa jetkizilip, taǵy 5 myńy rezervte turǵany týraly baiandaldy.
Memleket basshysynyń tapsyrmasy boiynsha dári-dármek qorymen de qamtamasyz etilgen.
Budan keiin Qasym-Jomart Toqaev qaterli isik aýrýynyń belgileri bar jáne osy dert boiynsha esepte turǵan naýqas adamdarǵa konsýltativti-diagnostikalyq kómek kórsetýge mamandandyrylǵan onkologiialyq emhanany aralap kórdi.
Memleket basshysy oblysta meditsina infraqurylymy jaqsy qarqynmen damyp, jańa nysandar boi kóterip jatqanyn atap ótti.
Onyń aitýynsha, josparly túrde em alatyn azamattarǵa, júrek-qan tamyrlary dertimen jáne qaterli isikpen aýyratyn naýqastarǵa kórsetiletin meditsinalyq qyzmet túrleri kovid kezeńine deiingi deńgeide bolýy tiis.
Prezident densaýlyq saqtaý salasynyń mamandaryna qajyrly eńbegi úshin rizashylyǵyn bildirdi.
– Meditsina qyzmetkerleriniń jumysyna, ásirese pandemiia kezeńinde salmaq túsip otyr. Eńbek demalysyna da barmai, senbi-jeksenbi kúnderi de damyl kórmei jumys istep júrgeni úshin meditsina qyzmetkerlerine alǵysymdy bildiremin. Dárigerlerge óte qiyn, biraq biz olardy qoldaimyz, – dedi Qasym-Jomart Toqaev.
