Foto: Aqorda
Memleket basshysy Qasym-Jomart Toqaev memlekettik saiasattyń strategiialyq baǵyty – mádeniet pen óner ekenin atap, biyl jáne jaqyn ýaqytta atqarylatyn aýqymdy jobalardy jariialady, dep habarlaidy Ult.kz.
Prezidenttiń aitýynsha, qoǵamnyń sanasy jańǵyrmasa, reformalar tolyq nátije bermeidi. Sol sebepti rýhaniiat salasyna erekshe kóńil bólinedi. Biyl Almaty oblysynda qazaq drama teatry, Abai men Aqtóbe oblystarynda jańa teatrlar boi kótermek, al Shymkentte opera jáne balet teatrynyń qurylysy bastalady.
Muhtar Áýezov atyndaǵy Qazaq ulttyq drama teatry biyl 100 jyldyq mereitoiyn atap ótedi. Teatr ǵimaratyna júrgizilip jatqan kúrdeli jóndeý jumystary aiaqtalmaq. Sondai-aq Natalia Sats atyndaǵy orys memlekettik akademiialyq balalar men jasóspirimder teatry da jańǵyrtylady. Eki jyldyń ishinde elimizde 100-den astam mádeniet oshaǵy jóndeledi.
Mýzei isin damytýǵa da erekshe kóńil bólinýde. Qyzylordada ashylǵan jańa tarihi-ólketaný mýzeii zaman talabyna sai jabdyqtalǵan. Biyl qalada jańa drama teatr men zamanaýi kitaphana salý jumystary bastalady.
Sondai-aq Prezident jastardyń róline toqtalyp, olardyń ulttyq biregeilikti ónerimen aishyqtap, elimizdi jahan jurtyna tanytyp jatqanyna erekshe nazar aýdardy. Qasym-Jomart Toqaev óskeleń urpaqqa jan-jaqty qoldaý kórsetiletinin, olardyń ulttyq qundylyqtarmen qatar zamanaýi qasietterdi boiyna sińirýine jaǵdai jasalatynyn jetkizdi.
