Prezident Qasym-Jomart Toqaev «Qazaqstan tarihy» men «Dúniejúzi tarihy» boiynsha biryńǵai mektep oqýlyqtaryn daiarlaýdy tapsyrdy, dep habarlaidy "Ult aqparat".
«Oqýshylardy oqytý men damytýdyń basqa da túrleri arasynda durys teńgerim bolýy kerek. Álemdik tendentsiiany eskere otyryp, matematika, til, informatika sekildi basymdyqty pánderge erekshe mán bergen jón. Oqýlyqtar sapasy boiynsha kóterilip júrgen máseleler bar», - dedi Prezident Úkimettiń keńeitilgen otyrysynda.
«Tarihi oqiǵalar men faktiler oqýshylarǵa eshbir burmalaýsyz jetkizilýi kerek. Sondyqtan «Qazaqstan tarihy» men «Dúniejúzi tarihy» boiynsha biryńǵai mektep oqýlyqtaryn daiarlap, engizýdi tapsyramyn», - dedi Memleket basshysy.
Sonymen qatar Prezident 900 myńǵa jýyq bala 11 myń mektepke deiingi mekemelerde tárbelenip jatqanyn atap ótti. Alaida onyń ishinde 36 paiyzynda káriz júiesi joq, 29 paiyzy ystyq sýmen jáne 11 paiyzy jyly dárethanamen qamtamasyz etilmegen.
«Osyǵan nazar aýdaryńyzdar, barlyq ákimder bul máseleni qadaǵalaýǵa alýy kerek», - dedi Q. Toqaev.
