Qaraǵandy oblysyna jumys saparymen kelgen Prezident Qasym-Jomart Toqaev «Saryarqa» arnaiy ekonomikalyq aimaǵyndaǵy birqatar nysandy aralap kórdi. Bul týraly Aqordanyń baspasóz qyzmetinen málim etti, dep habarlaidy "Ult aqparat".
Óńirdiń indýstriialdyq áleýetimen tanysý «Biomer Armatýra» jaýapkershiligi shekteýli seriktestiginen bastaldy. Bul – nemis tehnologiiasy boiynsha sharly ilmekti armatýra shyǵaratyn búkil Ortalyq Aziiada teńdesi joq kásiporyn. Atalǵan ónim túri munai-gaz sektory men turǵyn úi-kommýnaldyq sharýashylyq salasynda suranysqa ie.
Memleket basshysy sodan keiin «Recycling Company» jaýapkershiligi shekteýli seriktestigine qarasty Qazaqstandaǵy eski kólik quraldaryn óńdeitin tuńǵysh zaýytta boldy. Jylyna 50 myń avtomobilge deiin qaita óńdeýge múmkindik beretin balqytý tsehynyń jumysy men shrederlik qurylǵy Prezidenttiń erekshe qyzyǵýshylyǵyn týǵyzdy. Mashinalardy jinap, óńdeýdiń keshendi ádisi elimizdiń avtomobil parkin jańartýǵa, ekologiialyq ahýaldy jaqsartýǵa múmkindik beredi.
«Alfarýh» kóterme-bólý ortalyǵynda Qasym-Jomart Toqaev kross-dok, klimattyq qoima men kóterme-bólshek ortalyǵyn aralap kórdi. Prezident atalǵan nysannyń tranzittik-logistikalyq múmkindikterin keńeitýdiń mańyzdylyǵyn jáne Qaraǵandynyń tájiribesin basqa óńirlerge engizý qajettigin atap ótti.
Sondai-aq, munda Qaraǵandydaǵy turǵyn úi qurylystarynyń júrgizilý barysyna arnalǵan tanystyrylym rásimi ótti. Memleket basshysyna aldaǵy ýaqytta oblys ortalyǵynyń ajaryn asha túsetin jańa sáýlet jobalary kórsetildi. Oblys ákimi Erlan Qoshanov Qaraǵandynyń jańa ortalyǵynda boi kóteretin turǵyn úiler, áleýmettik nysandar men sport keshenderi týraly baiandady.
