Memleket basshysy Qasym-Jomart Toqaev belgili qalamger, Qazaqstannyń eńbek sińirgen qairatkeri Rafael Niiazbektiń otbasy men jaqyn týystaryna kóńil aitty. Bul týraly QR Prezidentiniń Baspasóz hatshysy Berik Ýáli Facebook-tegi paraqshasynda jazdy.
«Kórnekti qalamger, Qazaqstannyń eńbek sińirgen qairatkeri Rafael Niiazbektiń dúnieden ótýine bailanysty kóńil aitamyn. Rafael Niiazbek uzaq jyldar «Jazýshy» baspasynda jemisti jumys jasady. Elimizdiń rýhani-mádeni bailyǵyn arttyrýǵa kóp úles qosty. Shyǵarmashylyq joldaǵy tabystary da óte mol. Tartymdy týyndylary oqyrmandar tarapynan joǵary baǵasyn aldy, ádebi syilyqtarǵa ie boldy.
Marqumnyń imany salamat, jany jánnatta bolsyn», – delingen jedelhatta.
