Memleket basshysy Qasym-Jomart Toqaev akademik Serik Qirabaevtyń otbasyna kóńil aitty, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
Memleket basshysy Qasym-Jomart Toqaev asa kórnekti ǵalym, filologiia ǵylymdarynyń doktory, QR Ulttyq ǵylym akademiiasynyń akademigi Serik Smaiyluly Qirabaevtyń dúnieden ótýine bailanysty otbasy men jaqyn týystaryna kóńil aitý jedelhatyn joldady
«Serik Smaiyluly ónegeli ǵumyr keship, bar kúsh-jigerin otandyq ǵylymdy damytýǵa arnady. Qazaq ádebietin tereń zerttep, ulttyq qazynamyzdy jarqyratyp kórsetýge sińirgen eńbegi óte mol. Kóptegen eńbekterdiń, monografiialardyń jáne oqýlyqtardyń avtory atandy. Bilikti mamandar daiarlaý isine de orasan zor úlesin qosqan edi. Sońyna óshpes iz, ǵylymi mol mura qaldyrǵan ulaǵatty ustaz Serik Smaiylulynyń jarqyn beinesi umytylmaidy. Halqymyz esimin árdaiym ardaq tutady. Marqumnyń jany jánnatta, imany salamat bolsyn», – delingen Qazaqstan Prezidentiniń jedelhatynda.
Eske sala ketsek, buǵan deiin kórnekti ádebiettanýshy ǵalym, synshy, akademik Serik Qirabaevtyń dúnieden ozǵany habarlandy.
