Foto:t.me/KZgovernment
Premer-ministrdiń birinshi orynbasary Roman Skliar Ekibastuz JEO-ny memleket menshigine berý máselesi talqylanyp jatqanyn aitty, - dep habarlaidy Tengrinews.kz saity.
"Qazir másele qaralyp jatyr, men bul týraly birneshe ret aittym. Aktsioner ony memleketke 1 teńgege nemese 0 teńgege berýge daiyn. Biraq olar 16 jyl boiy JEO-dan bárin alyp, múlde qolaily emes jaǵdaida qaitarǵysy keletini belgili boldy. Bulai jumys istemeidi", - dedi Roman Skliar parlamenttik tyńdaýlar kýlýarynda.
Vitse-premer aktsionerler investitsiialaýdy jalǵastyrýy kerek ekenin atap ótti.
"Naýryzdyń aiaǵyna deiin zaýytqa da, jylý jelilerine de reviziia júrgiziledi. Sodan keiin ol jerge qansha qarajat salý kerek jáne kim investitsiia salatyny qabyldanady. Buǵan stantsiia qojaiyndary da atsalysýy kerek dep esepteimin", - dedi Roman Skliar.
Onyń aitýynsha, qazir azamattardyń sapaly qyzmet alýyn qamtamasyz etý jáne bul jalpy infliatsiiaǵa da, tutynýshylardyń qarjylyq jaǵdaiyna da áser etpeýi arasyndaǵy teńgerimdi tabý qajet.
"Tek jeke tulǵalar ǵana emes, shaǵyn jáne orta biznes, biýdjettik uiymdar. Salystyrmaly sheshim qabyldanady. Úlesker stantsiianyń shyǵyndy ekenin alǵa tartyp otyr", - dep túiindedi sózin premer-ministrdiń orynbasary.
