QR Premer-Ministri Asqar Mamin Hyundai avtomobilderin qurastyrý zaýytynyń ashylý rásimine qatysty, dep habarlaidy "Ult aqparat" Úkimettiń baspasóz qyzmetine silteme jasap.
Telekópir formatynda ótken zaýyttyń ashylý saltanatyna Koreia Respýblikasynyń saýda, indýstriia jáne energetika ministri Son Iýn Mo, Qazaqstan Respýblikasynyń Indýstriia jáne infraqurylymdyq damý ministri B. Atamqulov, «Hyundai Motor Company» prezidenti Li Von jáne «Astana Group» prezidenti N.Smaǵulov qatysty.
Zaýyt álemdik avtomobil jasaýdyń zamanaýi tehnologiialary men ekologiialyq standarttar talaptaryn eskere otyryp salynǵan.
Kásiporynnyń jobalyq qýattylyǵy birinshi kezeńde jylyna 30 myń birlikti, ekinshi kezeńde jylyna 45 myń birlikke deiin quraidy. Investitsiialardyń jalpy kólemi 28 mlrd teńgeden asady.
Shektes salalardy eskere otyryp, 1000-nan astam jańa jumys oryndary quryldy. Aldaǵy ýaqytta avtokomponentter shyǵaratyn zaýyt ashý kózdelgen, bul 51%-dan astam jergiliktendirýdi qamtamasyz etýge jáne TMD elderine eksportqa shyǵýǵa múmkindik beredi. «2020 jyldyń 9 aiynda avtomobil jasaý salasyndaǵy óndiris kólemi 50%-dan astamǵa ulǵaidy. Bul sala joǵary bilikti jumys oryndaryn ashýǵa jáne qosylǵan quny joǵary ónim shyǵarýǵa múmkindik beredi», — dedi A. Mamin.
Premer-Ministr Almaty qalasynda Hyundai avtomobil óndirisiniń ashylýy avtomobil ónerkásibiniń álemdegi asa iri kóshbasshylarynyń biri «Hyundai Motor Company» kompaniiasymen ónerkásiptik kooperatsiiany keńeitýdiń, sondai-aq Qazaqstannyń Koreia Respýblikasymen jemisti yntymaqtastyǵyn tereńdetýdiń kórnekti úlgisi bola alatynyn atap ótti. Jumys sapary aiasynda Úkimet basshysy Almaty qalasyndaǵy JEO-2 aralap, onda elektr stantsiiasyn jańǵyrtý jáne gazǵa aýystyrý tujyrymdamasymen tanysty.
Ile Alataýy memlekettik ulttyq tabiǵi parkinde Premer-Ministrge Qazaqstanda ekologiialyq týrizmdi damytý jobalary tanystyryldy. A. Mamin Úlken Almaty ainalma avtomobil jolynyń (ÚAAAJ) jáne qalanyń basqa da kólik jáne turǵyn úi infraqurylymy nysandarynyń qurylysymen tanysty, sondai-aq densaýlyq saqtaý jáne bilim berý mekemeleri — «Halyk Arena»-daǵy infektsiialyq statsionarǵa, erekshe qajettilikteri bar balalar men jasóspirimderge arnalǵan «MEIIRIM» ońaltý ortalyǵyna jáne Sh. Ýálihanov atyndaǵy mektepke bardy. 2020 jyldyń 9 aiynda ótken jyldyń sáikes kezeńimen salystyrǵanda Almaty qalasynda ónerkásiptik ónim óndirisiniń kólemi 3,2%-ǵa 712,2 mlrd teńgege deiin, negizgi kapitalǵa investitsiialar 12,5%-ǵa 608,2 mlrd teńgege deiin, qurylys jumystarynyń kólemi 6,9%-ǵa (248,5 mlrd teńgege), paidalanýǵa berilgen turǵyn úi aýmaǵy 8%-ǵa (1,47 mln sh.m. astam) ósti.
