QR Premer-Ministri Asqar Mamin Nur-Sultan qalasynda jańa №87 mektep-gimnaziiasynyń ashylýyna qatysty. Asqar Mamin saltanatty rásim barysynda mektepke qazaq halqynyń uly tulǵasy, aqyny ári oishyly – Abai Qunanbaiulynyń esiminiń berilýi asa qurmetti ári jaýapkershilikti ekenin atap ótti.
QR Tuńǵysh Prezidenti – Elbasy N. Á. Nazarbaev únemi óskeleń urpaqtyń Qazaqstannyń damýyna qosar úlesine erekshe kóńil bóledi. Memleket basshysy Q. K. Toqaev tamyz konferentsiiasynda sóilegen sózinde bilim berý júiesiniń jańa syn-tegeýrinderge úilesimdi beiimdelýi qajet ekenin atap ótti.
QR Premer-Ministri Asqar Mamin saltanatty sharada tsifrlandyrý men jasandy zerdeniń áserinen búginde jańa mamandyqtar paida bolyp jatqanyn atap ótti.
«Sizderdiń bilim deńgeilerińiz zaman suranystaryna sai jáne básekege qabiletti bolýy kerek», — dep Asqar Mamin, barlyq oqýshylardy Bilim kúnimen quttyqtady.
Jańa mekteptiń tehnikalyq jaraqtanýyna járdemdesý maqsatynda «Qoǵamdyq mańyzdy bastamalardy damytý qory» 3D-modelderdi zertteýge arnalǵan virtýaldy-ǵylymi sektsiiasy bar «jasyl tehnologiialar» zerthanasyn syilady, ony Qordyń qamqorshylyq keńesiniń tóraǵasy Á. Nazarbaeva men QR ekologiia, geologiia jáne tabiǵi resýrstar ministri M. Myrzaǵaliev tanystyrdy.
QR Premer-Ministri A. Mamin interaktivti jabdyqty qoldana otyryp oqytýdyń jańa ádisterimen tanysty. Oqý synyptaryn aldyńǵy qatarly tehnologiialarmen jabdyqtaý oqýshylarǵa bolashaq mamandyqtarynyń daǵdylaryn damytýǵa múmkindik beredi.
Budan ózge, ashylý saltanaty barysynda jańa mektepke «SaryarqaAvtoÓnerkásip» qazaqstandyq zaýyty jańa úlgidegi mektep avtobýsyn syiǵa tartty.
QR Úkimetiniń basshysy Asqar Mamin jańa mektepti aralaý barysynda uly Abaidyń 175 jyldyǵyna orai ashylǵan «Abaitaný» kabineti men mýzeiine bardy.
Aita ketý kerek, jańa №87 mektep-gimnaziiasynda 900-den astam oqýshy bilim alatyn bolady. Jalpy, biyl QR orta bilim berý uiymdaryndaǵy oqýshylardyń sany 3 mln-nan asady. Jańa oqý jylynda 400 myń bala 1-synypqa qabyldandy. Jańa oqý jylynyń bastalýyna arnalǵan saltanatty jiyndarǵa QR Úkimetiniń músheleri qatysty, olar mektepterde azamattyq pen otansúigishtikke arnalǵan sabaqtar ótkizdi.
Sonymen qatar, №87 mekteptiń ashylý saltanatyna QR bilim jáne ǵylym ministri A. Aimaǵambetov jáne Nur-Sultan qalasynyń ákimi A. Kólginov qatysty.
