Poznerdiń aitýynsha, aqparatqa qoljetimdilik pen memlekettik qyzmetkerlerdiń ashyqtyǵy búkil qoǵam úshin mańyzdy.
"Aqparatsyz jýrnalist jaza almaidy. Oǵan tosqaýyl qoiylsa jýrnalist óziniń kásibi mindetin atqarý múmkindiginen aiyrylady, al mindet - halyqqa bolyp jatqan oqiǵalar týraly habarlaý. Eger bilik bulai jasasa, bul olar jýrnalisterden qorqatynyn jáne bul mamandyqqa barlyq jolmen kedergi keltirýge tyrysatynyn kórsetedi", - dedi telejúrgizýshi.
Jýrnalist aqparattyń qoljetimsizdigine ózi de tap bolǵanyn aitty.
"Árine, mundai jaǵdai men adamdar maǵan da birneshe ret kezdesken. Tek memlekettik qyzmetpen bailanysty emes, qandai da bir sebeptermen kelýden bas tartatyndar da bar (suhbatqa). Degenmen, shaǵymdanǵanym kúná bolar. Kóbinese adamdar keledi. Kelmeitinder bar, onda aqparatty basqa jolmen izdeýge týra keledi.
Saiyp kelgende, meniń kózqarasym - saiasatkerler, úkimet músheleri, depýtattar jýrnalister suraǵyna jaýap berýge mindetti . Bul olardyń mindeti. Olar ózderin tańdaǵan adamdarǵa, olar ne istep jatqanyn, qandai sheshimder qabyldaǵanyn, ne úshin bul sheshimderdi qabyldaǵanyn aitýy kerek. Ázirge Resei Federatsiiasynda mundai túsinik joq, borysh sezimi joq. Biraq Qazaqstanǵa keler bolsaq, ózińiz túsingenińizdei, meniń sheshim aitqanym durys bolmas".
Poznerdiń aitýynsha, adamdar jýrnalistika týraly durys túsinik qalyptastyrýy kerek .
"Meniń aitarym mynaý. Árine, Memleket basshysy nemese premer-ministr úkimetti jinap, "eger sizdi shaqyrsa, barý kerek" dep aitýyna bolady. Biraq munymen máseleler sheshilmeidi. Adamdar arasynda jýrnalistikasyz qoǵam dami almaidy degen túsinik qalyptastyrý kerek.
Eger naqty jaǵdaiǵa qaraityn bolsaq, onda totalitarlyq júie bolǵan nemese ol áli de bar eldiń bárinde jýrnalistika joq ekenin kóremiz. Óitkeni jýrnalistika jasyrǵyńyz keletin nárseni ashyp, qazyp, tabady. Biz qoǵamnyń bul qajet degen qorytyndyǵa kelýin qamtamasyz etýimiz kerek. Bul birtindep júretin protsess", - dep qorytyndylady júrgizýshi.
VIDEO
Aita keteiik, buǵan deiin "Habar 24" jýrnalisi Almatyda ákimdik ǵimaratynan kúshtep shyǵarylǵany habarlanǵan bolatyn. Oqiǵanyń videosyn tilshi Facebook-paraqshasynda jariialady. Bul jaǵdai búkil BAQ ókilderi men el nazaryn aýdartty. Keiinirek Almaty qalasy Alataý aýdany ákimdigi jaǵdaiǵa túsinik berdi.
Sondai-aq, aqparat jáne qoǵamdyq damý ministri Aida Balaeva oqiǵaǵa qatysty Facebook-paraqshasynda jazba jariialady. Ol Alataý oblysy ákimdigindegi kúzet qyzmetkeriniń áreketi zańsyz ekenin jazdy.
