Portýgaliiada vaktsinatsiiaǵa qarsy bolǵan otbasy túgeldei koronavirýstan qaitys boldy. Bul týraly Covid-19 taralýyna jol bermeý jónindegi qazaqstandyq vedomstvoaralyq komissiianyń Telegram-kanalynda jariialandy, dep habarlaidy "Ult aqparat".
Túrkiiada shamamen 6 million adam pandemiia bastalǵannan beri SARS-COV-2 tasymaldaýshysy boldy. Táýligine indetke shaldyǵýdyń jańadan 23 731 jaǵdaiy tirkeldi jáne elde virýsty juqtyrý oqilaǵalyrynyń jalpy sany 5 942 271 adamdy qurady. Ótken táýlikte 117 azamat COVID-19 qurbany boldy. Kóz jumǵandar sany 52 313-ke jetti. Qańtar aiynyń ortasynan bastap Túrkiiada COVID-19-ǵa qarsy jappai vaktsinatsiia júrgizilýde. Búgingi tańda Túrkiiada jalpy 77,55 millionnan astam vaktsina dozasy salyndy. Onyń ishinde úshinshi, údetkish vaktsinatsiia bar.
Portýgaliiada jaǵymsyz oqiǵa oryn aldy. Vaktsinatsiiaǵa túbegeili qarsy bolǵan otbasy túgelimen COVID-19-dan qaitys boldy. Bul týraly marqumdardyń týysy Frensis Gonsalves aitty. Er adamnyń aitýynsha, anasy, ákesi jáne aǵasy ekpege qarsy úgit-nasihat tobynyń aitqandaryna senip, immýndaýdan bas tartqan. Barlyǵy koronavirýs juqtyryp, bir apta ishinde qaitys boldy. F.Gonsalvesh bul faktini vaktsinatsiianyń basqa qarsylastaryna oi salyp, olardyń burys áreketterin toqtatady degen úmitpen jariialaǵanyn túsindirdi. Qazirgi ýaqytta Portýgaliia biligi eldiń birqatar aýdanynda, sonyń ishinde astanasy Lissabonda komendanttyq saǵat engizdi.
