Almaty oblysynda politsiia qyzmetkerleri Penjimdegi oqiǵaǵa bailanysty birneshe is qozǵap, tergep jatyr, - dep habarlaidy Tengrinews.kz.
Politseiler málimetinshe, sotaldy tergeý "Buzaqylyq" jáne "Densaýlyqqa qasaqana aýyr ziian keltirý" baptary boiynsha júrgizilip jatyr. Oqiǵanyń mán-jaiyn anyqtaý úshin jedel-tergeý toby qurylǵan. Qazirdiń ózinde tóbeleskender anyqtalǵan. Sondai-aq, tiisti saraptamalar, jedel-izdestirý sharalary taǵaiyndalǵan.
Politsiia departamenti málimetinshe, bul is boiynsha kúdiktiler men ustalǵandar sany jáne basqa da málimet jariia etýge jatpaidy.
Aita keteiik, 27 qazanda Almaty oblysynyń Penjim aýylynda Abdolla Rozybakiev atyndaǵy mektepte 9-10-synyp oqýshylary arasynda tóbeles shyqqan. Tóbeles kezinde balalardyń biri aýyr jaraqat alǵan. Panfilov aýdany ákiminiń aitýynsha, ol qulap, basyn jaralap alǵan.
Keiin Almaty oblysy Densaýlyq saqtaý basqarmasy Penjim aýylynda jappai tóbeles kezinde zardap shekken oqýshynyń jaǵdaiy týraly málimdedi. 27 qazanda 2005 jyly týǵan mektep oqýshysy Panfilov aýdanaralyq kópsalaly aýrýhanasyna túskeni belgili boldy.
