Foto: © press-slýjba merii goroda Bishkek
Qazaqstan musylmandary dini basqarmasynyń Tóralqa májilisinde biylǵy pitir sadaqasynyń mólsheri anyqtaldy. Bul týraly Bas múfti Naýryzbai qajy Taǵanuly BAQ ókilderiniń qatysýymen ótken baspasóz máslihatynda aitty, dep habarlaidy "Ult aqparat".
«Biyl pitir mólsheri 535 teńge bolyp belgilendi. Pitir sadaqanyń mólsheri elimiz boiynsha 2 keli unnyń ortasha baǵasymen esepteldi. Al unnyń baǵasy QMDB-nyń qala jáne oblys ókildikteriniń bergen málimeti negizinde anyqtaldy. Pitir sadaqasyn qurma, meiiz baǵasymen de berýge bolady» - dedi QMDB tóraǵasy.
Sondai-aq Bas múfti musylman úmmeti úshin ulyq sanalǵan Ramazan aiy jaily baiandap, jýrnalisterdiń suraǵyna jaýap bergen edi.
«Biz Ortalyq Aziia elderiniń múftilerimen, ondaǵy pátýa salasyna jaýapty ǵalymdarmen aqyldasa kele jáne ǵylymi zertteýler nátijesin eskerip, ortaq sheshim qabyldadyq. Alla qalasa, biyl ramazan aiy 23 naýryzda bastalady. Al sáýir aiynyń 17-nen 18-ne qaraǵan tún – qasietti Qadir túni. 21 sáýir – oraza ait merekesi», - dedi Naýryzbai qajy Taǵanuly.
