Qazaqstanda Pfizer vaktsinasy salynýy tiis balalardyń jas aralyǵy parametrleri ózgere me? Bul suraqqa QR Densaýlyq saqtaý ministri Aleksei Tsoi jaýap berdi, dep habarlaidy QazAqparat.
«Pfizer vaktsinasyn (Qazaqstanǵa) biylǵy tórtinshi toqsanda jetkizý josparlanǵan. Kompaniiamen tiisti keste naqtylanǵannan keiin, biz jetkizý merzimin jariialaimyz. Vaktsinalaýmen qamtylýy tiis turǵyndarǵa toqtalsaq, iaǵni jas aralyǵy kategoriiasy jaiynda aitatyn bolsaq, qazirgi kezde elimizde Pfizer kompaniiasy málimdegen tirkeý kýáligi men nusqaýlyqta atalǵan vaktsinany 12 jastaǵy jáne odan joǵary jastaǵy balalarǵa salýǵa bolady. Alaida bul vaktsina erikti túrde jáne ata-ananyń kelisimimen ǵana salynady», - dedi Tsoi Úkimettegi onlain baspasóz máslihatynda.
Sonymen qatar ol vaktsina qoiylatyn balalardyń jas aralyǵy boiynsha parametrlerdi ózgertý múmkindigi týraly aityp berdi.
«Jas aralyǵyn ózgertýge toqtalsaq, osy klinikalyq synaqtar júrgizilgen elderdiń retteýshilerimen atalǵan zertteýler bekitilse, sondai-aq resmi sipattama alsaq, atalǵan qadamdardy qarastyrýymyz múmkin. Qazirgi kezde tirkeý kýáligine sáikes, 12 jastan bastap vaktsina alýǵa ruqsat bar», - dedi Aleksei Tsoi.
