Mektep oqýshylaryna Pfizer vaktsinasy oqýshynyń ata-anasynyń kelisimimen ǵana salynady. Bul týraly QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Ainagúl Qýatbaeva aitty, dep habarlaidy QazAqparat.
«Elimizge balalarǵa arnalǵan koronavirýsqa qarsy vaktsina kelgen jaǵdaida ol balanyń ata-anasynyń kelisimimen ǵana salynady. Qazirgi ýaqytta álemde birneshe vaktsinany Dúniejúzilik densaýlyq saqtaý uiymy 12-18 jas aralyǵyndaǵy balalarǵa egýge nusqaýlyq berip otyr. Onyń biri – Pfizer vaktsinasy. Ol elimizge kelgennen keiin aldyn ala halyqqa jariialanyp, meditsina mamandary daiyndyqtan ótkiziledi», - dedi ol ortalyq kommýnikatsiialar qyzmetindegi baspasóz máslihaty barysynda.
Al QR Densýlyq saqtaý vitse-ministri Marat Shoranov Pfizer vaktsinasyn Qazaqstanǵa jetkizý úshin kelissóz júrgizilip jatqanyn aitady.
«Bas kelisimge qol qoiyp, onyń erejelerine qatysty kelissóz júrgizip jatyrmyz. Iaǵni, kelisimsharttyń qorytyndy kezeńine óttik. Ókinishke qarai, málimetterdi jariia etpeý kelisimine bailanysty onyń kólemi men qunyna qatysty aqparatty jariialai almaimyz. Kelisimge qol qoiylǵannan keiin ǵana tiisti aqparat beriledi», - dedi Marat Shoranov.
