Qazaqstannnyń bas memlekettik sanitarlyq dárigeri Erlan Qiiasov Pfizer-den keiin koronavirýs juqtyrǵan qazaqstandyqtar týraly aitty, dep habarlaidy Sputnik Qazaqstan.
Resmi málimetke sáikes, osy ýaqytqa deiin Qazaqstanda 21 myń adam vaktsinadan keiin koronavirýsqa shaldyqty. Olardyń basym bóligi "Spýtnik V" vaktsinasyn saldyrǵan. Barlyǵy – 18 myń adam.
"QazVac-tan keiin 436 adam aýyryp qaldy. Budan bólek, Sinofarm (Vero Cell) vaktsinasynan keiin 2 myń adam, al Sinovac-tan (CoronaVac) keiin 603 adam koronavirýsqa shaldyqty. Pfizer saldyrǵan 17 adam virýs juqtyrǵan. Olardyń barlyǵy shetelde ekpe alǵan", - dedi Qiiasov ortalyq kommýnikatsiialar qyzmetinde ótken onlain brifingte.
Aita keteri, Qazaqstanǵa koronavirýsqa qarsy Pfizer vaktsinasy áli jetkizilmegen. Alaida negizgi kelisimshartqa qol qoiyldy.
Densaýlyq ministri Aleksei Tsoidyń aitýynsha, jaqyn arada Pfizer-diń alǵashqy partiiasy keledi. Ol 12 jastan asqan jasóspirimderge jáne júkti áielderge salynady.
