Petropavldaǵy makaron óndiretin kásiporynda 35 jastaǵy jumysshy qaza tapty. Ol qamyr ileitin apparatty tazalap jatqan kezde, qurylǵy kenetten iske qosylǵan, dep habarlaidy ult.kz.
Memlekettik eńbek inspektsiiasy komitetiniń Soltústik Qazaqstan oblysy boiynsha departamentiniń málimetinshe, qaiǵyly oqiǵa 12 qazanda túngi saǵat 03:00 shamasynda Trýd kóshesindegi óndiris nysandarynyń birinde bolǵan.
Óndiristik jeli qamyr ileitin apparatty qaldyqtardan tazartý úshin toqtatylǵan. Osy kezde presteýshi bolyp jumys isteitin er adam jabdyqtyń ishin tazalaýǵa kirisken. Alaida apparattyń qalaqtary men bilikteri kenetten qozǵalyp, jumysshyny ishine tartyp ketken. Ol alǵan aýyr jaraqattarynan oqiǵa ornynda kóz jumdy.
Oqiǵa memlekettik eńbek inspektsiiasynyń baqylaýyna alyndy. Jazataiym jaǵdaidyń sebepteri men mán-jaiyn anyqtaý úshin arnaiy komissiia quryldy.
Politsiia eńbek qaýipsizdigi qaǵidalaryn buzý saldarynan adam ólimine ákep soqqan oqiǵa boiynsha qylmystyq is qozǵady. Qazir tergeý amaldary júrgizilip jatyr.
