Foto: pkzsk.info
Petropavldaǵy shabýyldan keiin Qazaqstannyń barlyq mektebindegi qaýipsizdik tekseriledi, - dep habarlaidy "Ult aqparat" Oqý-aǵartý ministrliginiń baspasóz qyzmetine silteme jasap.
Ministr tapsyrmasy boiynsha Petropavl qalasyndaǵy mektepte bolǵan oqiǵaǵa qatysty komissiia qurylǵan. Onyń quramyna Balalar quqyǵyn qorǵaý komiteti, Bilim berý sapasyn qamtamasyz etý departamenti, SQO Bilim basqarmasynyń ókilderi kirgen.
"Aita ketetin jait, mektepte qaýipsizdikti qamtamasyz etý úshin beinebaqylaý kameralary men dabyl túimesi ornatylǵan. Oqiǵanyń mán-jaiy anyqtalyp jatyr", - delingen habarlamada.
Bul rette oblystar men respýblikalyq mańyzy bar qalalardyń bilim basqarmalaryna elimizdegi barlyq jalpy bilim beretin mektepterde qaýipsizdikke tekserý júrgizý tapsyrylǵan.
Eske salaiyq, búgin Petropavlda 9-synyp oqýshysy mektepke balta men pyshaq ákelip, úsh balany jaraqattaǵany habarlanǵan bolatyn.
Oqiǵa tańerteń №4 mektepte bolǵan. Qala ákimdiginiń málimetinshe, eki bala balalar aýrýhanasynda jatyr. Úshinshi balaǵa oqiǵa ornynda meditsinalyq kómek kórsetilgen.
