Foto: astanatv.kz
Ishki ister ministriniń birinshi orynbasary Marat Qojaev Petropavldaǵy mektepte oqýshylarǵa jasalǵan shabýyldyń jai-japsaryn aityp berdi, - dep habarlaidy Tengrinews.kz portaly.
"13 aqpanda Petropavl Politsiia basqarmasyna mektep oqýshylarynyń dene jaraqatyn alǵany týraly habarlama kelip tústi. Tekserý kezinde sómkede qoldan jasalǵan betperde bar ekeni anyqtaldy, ol 9-synyp oqýshysy bolyp shyqty. Jasóspirim dárethanada maskany kiip, odan keiin baltamen dálizge júgirip shyǵyp, osy mekteptiń oqýshysyn eki ret uryp, odan keiin bir qyz ben taǵy bir oqýshynyń iyǵynan urǵan", - dedi Qojaev Úkimet otyrysynda.
Onyń aitýynsha, shabýyl jasaǵan adamdy joǵary synyp oqýshylary men muǵalimder ustaǵan.
"Qazir eki bala aýrýhanada jatyr, olardyń jaǵdaiy turaqtaldy, bireýi tekseristen keiin úiine jiberildi. Qazir qylmystyq is qozǵaldy", - dep qosty ministrdiń orynbasary.
Qojaevtyń sózinshe, №4 orta mektepte eki aýysym bar, barlyǵy 39 synypta 974 oqýshy oqidy, muǵalimder shtaty - 70 adam, onyń bireýi - psiholog. Bólmede jáne oǵan jaqyn aýmaqta 42 beinebaqylaý kamerasy, bes dabyl túimesi ornatylǵan.
Eske salaiyq, Petropavlda №4 mektepte tótenshe jaǵdai bolǵany habarlanǵan edi. 9-synyp oqýshylarynyń biri sabaq bastalar aldynda mektepke balta men pyshaq ákelip, joǵary synyp oqýshylaryna shabýyl jasaǵan.
Prokýratýra málimetinshe, aldyn ala málimet boiynsha, shabýyl jasaǵan adam psihiatriialyq esepte turady.
