Petropavl qalasyndaǵy saýnalardyń birinen shyqqan órt sóndirildi, dep habarlaidy "Ult aqparat" QR TJM baspasóz qyzmetine silteme jasap.
Keshe, saǵat 00.53-te 101 kezekshi pýltine Soltústik Qazaqstan oblysynyń Petropavl qalasyndaǵy saýnalardyń birinde órt shyqqany týraly habarlama túsken. Oqiǵa ornyna shuǵyl úshinshi joǵary shaqyrtý boiynsha órtke qarsy qyzmet garnizonnyń kúshteri men quraldary jiberildi.
Birinshi órt sóndirý bólimsheleri kelgen kezde ǵimarattyń ekinshi qabaty men shatyry janyp jatqan.
Qoiý tútin men kelý joldarynyń bolmaýy órt sóndirý jumystaryn qiyndatty.
Órt sóndirýshiler men jergilikti atqarýshy organ qyzmetkerleriniń úilesimdi áreketteriniń arqasynda órt jaqyn mańda ornalasqan ǵimarattarǵa taraǵan joq.
Órt saǵat 04.25-te aýyzdyqtalyp, tańǵy saǵat 5-te sóndirildi. Jalyn aýmaǵy 500 sharshy metrdi sharpyǵan. Órttiń sebebi men keltirilgen zalal anyqtalýda.
Órtti sóndirýge TJ departamentiniń 87 qyzmetkeri men 17 tehnikasy, jergilikti atqarýshy organdardyń 8 qyzmetkeri men 4 tehnikasy jumyldyryldy.
Órttiń aldyn ala sebebi elektr symdarynyń qysqa tuiyqtalýy bolýy múmkin.
