Petropavlda bir kólik órtenip, artynan taǵy ekeýi jana bastaǵan, dep habarlaidy "Ult aqparat".
Soltústik Qazaqstan oblysy TJD baspasóz qyzmetiniń málimetinshe, órt jeke úidiń janynda turǵan Mercedes-Benz kóliginen shyqqan. Órt sóndirýshiler habar túskennen keiin 10 minýtta jetken, alaida ol ýaqytta úsh kólik órtke oranyp úlgergen. Jalyn Mercedes-Benz-tiń janynda turǵan Toyota jáne Mazda markaly kólikterine qarai aýysqan.
«Tilsiz jaý Mercedes-Benz ben Mazda kólikterin joiyp jiberdi. Toyota-ǵa zaqym kelip, salony men kóliktiń oń jaq bóligi órtenip ketti. Zardap shekkender joq. Órtke elektr quraldarymen jumys isteý kezinde órt qaýipsizdigin saqtamaýy sebep bolýy múmkin», - dedi baspasóz qyzmetinde.
Órt sóndirýshiler kólikterdiń tehnikalyq jaǵdaiyn, ásirese elektr jabdyqtaryn únemi tekserip otyrý qajet ekenin eskertti. Avtokólikterdiń janýyna kóbine elektr symynyń tuiyqtalýy sebep bolady. Órt shyqqan jaǵdaida 101 nemese 112 nómirlerine habarlasyp, ony sóndirý sharalaryn qabyldaý kerek.
Avtokólik túgeldei 5-8 minýtta órtenip ketedi.
