Petropavlda temir jol ótkelinde kezekti jol-kólik oqiǵasy boldy, dep habarlaidy "Ult aqparat".
Apat ornynan túsirilgen fotosýretterde teplovozben soqtyǵysyp búlingen kólik beinelengen. Áleýmettik jelilerge tarǵan sýretterdiń astyna qaldyrylǵan pikirlerde «Citroën C4» markaly kólikti áiel adamnyń tizgindegeni jazylǵan. Bul oqiǵaǵa qatysty politsiia departamentiniń baspasóz qyzmeti de túsinik berdi.
«Oqiǵa ornyna jetkende «Citroën C4» markaly kóliginiń 50 jastaǵy júrgizýshisi Jol qozǵalysy erejesiniń 2.5 «STOP» belgisiniń talaptaryn buzǵany anyqtaldy. Jol-kólik oqiǵasy saldarynan eshkim zardap shekken joq, eki júrgizýshi de mas bolmaǵan. Tergeý júrip jatyr. Avtokólik júrgizýshisine qatysty materialdar jinalyp, protsessýaldyq sheshim qabyldaý úshin Petropavl qalasynyń mamandandyrylǵan ákimshilik sotyna jiberiledi», - dep habarlady baspasóz qyzmeti.
Eske sala keteiik, temir jol ótkelinde osyǵan uqsaq jol-kólik oqiǵasy naýryz aiynda bolǵan edi.
