Petropavlda 13 jasar qyzdy zorlap, oqiǵa ornynan qashyp ketken er adamǵa izdeý jariialandy, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, 3 tamyz kúni 9 jastaǵy balaǵa qatysty seksýaldyq sipattaǵy zorlyq-zombylyq áreketterin jasady degen kúdikpen oblys ortalyǵynyń buryn sottalǵan turǵyny ustaldy. Osy derekke qatysty qylmystyq is qozǵaldy. Fakti «Jas balaǵa qatysty jasalǵan seksýaldyq sipattaǵy zorlyq-zombylyq áreketteri» boiynsha Sotqa deiingi tergep-tekserýlerdiń biryńǵai tizilimine engizildi. Kúdikti ýaqytsha ustaý izoliatoryna qamaldy. Tergeý júrgizilip jatyr.
Al ekinshi oqiǵa búgin bolǵan. Petropavlda WhatsApp jelisindegi ata-analar chattarynda keshke qarai pedofildiń jas qyzdy zorlaǵandyǵy jaiynda eskertken jazbalar tarady.
Qala turǵyndarynyń aitýynsha, oqiǵa Petropavldaǵy Meshan ormanynda, týbdispanserdiń mańynda bolǵan. 13 jastaǵy qyzǵa zorlyq jasaǵan er adam oqiǵa ornynan qashyp ketken.
Politseiler bul oqiǵany da rastady. Fakti QR Qylmystyq kodeksiniń 121-babynyń 4-bóligi boiynsha Sotqa deiingi tergep-tekserýlerdiń biryńǵai tizilimine engizildi. Qazirgi ýaqytta kináli tulǵany anyqtaý jáne ustaý boiynsha jedel-izdestirý is-sharalary júrgizilip jatyr. Tártip saqshylary ata-analardy asa saq bolyp, balalaryn qaraýsyz qaldyrmaýdy eskertti.
Baspasóz qyzmetiniń málimetinshe, bul qylmystar SQO PD-niń jáne oblys prokýratýrasy basshylyǵynyń erekshe baqylaýynda.
