Videodan kadr: Habar 24
Petropavlda Esil ózeni arnasynan shyǵyp, Zarechnyi kenti janynan ótetin halyqaralyq mańyzy bar «Novosibir-Cheliabi» tas jolyn sý basty, dep habarlaidy «Ult aqparat» «Qazgidromet» RMK Soltústik Qazaqstan oblystyq filialyna silteme jasap.
Mekemeniń málimetinshe, tasqyn sý Petropavlǵa jetti. Ótken bir táýlikte Esil ózeni qala mańynda 144 sm-ge kóterilgen. Osylaisha qaýipti deńgei – 960 sm-den asyp, tańǵy saǵat 8.00-degi málimet boiynsha 1038 sm-ge jetti.
Qazir Esil ózeniniń tasýyna bailanysty, «Cheliabi-Novosibir» M-51 avtojolynyń 528 km joldyń ústinen sý ketti. Al ózen sýynyń deńgeii 1050 sm-ge jetken jaǵdaida, Zarechnyi kentindegi saiajai qoǵamdastyǵynyń tómende ornalasqan ýchaskelerin sý basýy múmkin.
Sergeevka, Pokrovka eldi mekeni mańynda topan sýdyń beti qaityp, túse bastady. Ótken táýlikte Sergeevkada 15 sm-ge, Pokrovkada 36 sm-ge tómendedi.
Novonikolskoe eldi mekeni mańynda Esil ózeni áli de kóterilip jatyr, bir táýlikte 41 sm-ge kóbeigen. Dolmatovo eldi mekeninde 135 sm-ge kóterildi.
Sergeev sý qoimasyndaǵy jaǵdai ózgerissiz, qazirgi ýaqytta ol 176 % tolǵan.
Al shaǵyn ózender deńgeii túsip jatyr.
