Videodan skrinshot
Petropavlda 95 jastaǵy zeinetker áielimen janjaldasyp, ózin gaz ballonymen jaryp jibergen, dep habarlaidy "Ult aqparat" Stan.kz-ke silteme jasap.
Oqiǵa 22 mamyr kúni bolǵan. Politsiiaǵa ózin jaryp jiberemin dep qorqytqan azamattyń jónsiz áreketi týraly qońyraý túsken.
"Osy qońyraý boiynsha munda politsiia qyzmetkerleri keldi. Olar qart er adammen sóilesýge tyrysty. Biraq ol esikti kilttep, ashpai qoiǵan. Osy kezde gaz-aýa qospasy paida bolyp, sońynan úi jarylǵan. Keiin órt sóndirý bólimi shaqyryldy”, – dedi Petropavl qalalyq tótenshe jaǵdailar bóliminiń basshysy Nazymbek Elemesov.
Órt sóndirýshiler kelgende úi tolyǵymen órtenip jatqan, kórshi úidiń qaptamasy janyp úlgergen. Oqiǵa ornynda Petropavldyń eki bóliginiń órt sóndirýshileri jumys istedi.
Nazymbek Elemesov zardap shekken adam qutqarylǵanyn málimdedi.
Zardap shegýshi jedel járdem qyzmetkerlerine jetkizildi. Al órt sóndirýshiler órtten taǵy birneshe gaz ballondaryn shyǵardy.
Oblystyq densaýlyq saqtaý basqarmasynyń baspasóz qyzmeti er adamnyń jaǵdaiy aýyr ekenin aitty.
"1929 jylǵy naýqas kóp beiindi qalalyq aýrýhanaǵa jatqyzyldy. Denesiniń 35-40 paiyzyn termiialyq kúiik shalǵan. Arqasy men qoly kúigen, biraq esin jidy”, – dep málimdedi oblystyq densaýlyq saqtaý basqarmasynyń baspasóz hatshysy Gúlnar Sailaý.
Kórshilerdiń aitýynsha, zeinetker áielimen janjaldasyp, tipti oǵan qolyn kótergen, sodan keiin ózin jaryp jibergen. Ol buǵan deiin de ózin-ózi jaryp jiberemin dep qorqytqan.
